Тісячі ціґаретель нашли гранiчны шандарї на ріцї Тиса в окресї Требішoв. Незнамый плаваючій предмет захопили камеры на вонкашнїй граніцї з Українов, інформовала о тім у четверь поліція на соціалній сітї. ,, До той части была такой выслана глядка на моторовім човні. Шандарї Директоріяту гранічной і чуджінецькой поліції Собранцї вытягли на берег в катастралній теріторії села Малы Траканы балик запакованый до фолії. В нїм ся находило довєдна 5000 кусів ціґаретель різных значок з контролныма знамками Україны на означіня товару,” увела поліція. Фінанчну страту на спотребній дани з табаковых выробків выраховали на 530 евр.

(TASR, Шутіова)