Село Ольшынків, Меджілабірского окресу,  є єдно з найменшых русиньскых  сел нашого реґіону. У своїй скоро 500 рочній історії найвецей жытелів мало на переломі 19. і 20. столітя. Конкретні в року 1828 ту было 36 домів і 291 жытелів. Днесь в Ольшынкові є офіціално записаных 24 жытелів на тырвале перебываня, з котрых лем 14 жыє по цілій рік.  Ян Кундрат, староста села Ольшынків говорить, же і наперек тому, же мають барз мало фінанцій на ход села ся в їх селі жыє добрі. То але незначіть, же немають проблемы з котрыма бы ся хотіли чім скоріше попасувати. Як староста села говорить, „найвекшов болячков нашого села суть нашы приступовы путі. Каждый хто ку нам прийде говорить, же ,,ракеты до весміру літають а вы такы приступовы путі мате!,,. Катастрофа є то з нашыма путямі. Послідня путь была выбудована в 1974 року, як ся одовздавав водовод. А од того часу ся до нашых путі неінвестували ниякы фінанції.“ (Pkf)