Дїла Енді Варголы приблыжыть выстава з назвов Я походжу зникады, котру сприступнят 7. мая о 16.00г в просторох Шарішской ґалерії в Пряшові. Подля куратора Музея модерного уменя Енді Варгола в Меджілабірцях Михала Быцка выстава, котра несе в назві Варголів вырок, є концепчно заміряна на близше познаня Варгола через урчіты артефакты, документы, дїла умeлця, вплив матерї на формованя ёго умелецького і філозофічного погляду на жывот, уменя і світ.  ,, Цїлём кураторів проєкту Warhol Tour, котрого сучастёв є і тота выстава, є покусити ся одповідати на вырок, котрым Варгол якебы замірно таїв своє походжіня, но на другім боцї провоковав ку гледаню познаня реалного походжіня,“ высвітлив Быцко. Выстава буде продовжовати до 30. юна.

(TASR, Шутіова)