Ізраїльскы бойовы еропланы днесь зачали нову серію атаків на місто Ґаза, інформувала аґентура AP. Выбухы ся в Ґазі озывали по добу десятьох мінут. Ізраїльскый премєр Бенйамін Нетанйагу вчера ознамив, же ізраїльскы атакы будуть продовжувати „повнов силов“, припоминать AP. Ізраїль подля премєровых слов хоче, абы палестиньскый мілітантный рух  Hamas за свої крокы заплатив. Рух Hamas тыж з пасма Ґазы одпальовав ракеты в напрямі на області обываны цівілістами в Ізраїлю. При ізраїльскых літецькых атакох в пасмі Ґазы в неділю было вбито коло 42 Палестинчанів, припоминать AP. (TASR, Pkf)