x

Мелоніова хоче нову владу представити до 20-го октобра

00

Джорджа Мелоніова, лідерка крайно правіцьовой партії Братя Італії, котра выграла в септембровых італійскых парламентных выборах, хоче склад новой влады представити до 20-го октобра. Інформовала о тім в понедільок аґентура APA з тым, же Мелоніова веде того часу їднаня о новій владі із партнерьскыма партіями правіцьового блоку – Ліґов, котру веде Маттео Славіні, і партійов Італія допереду, якой головов є експремієр Сілвіо Берлусконі. Владный кабінет має подля інформацій з кругів партії Братя Італії быти зложеный з професіоналных політіків і непартійных фаховців, котры владі забезпечать меджінародный решпект.

(Медвідь, TASR)