Чеськый міністер здравотництва Петр Аренберґер (АNO) повів, же ёго резорт уж не буде чекати на тзв. ковідовый пас, але зачне узнавати очковачі цертіфікаты з Мадярьска, Нїмецька і Польщі. Рокує ся і зо Словакіёв. Ознамив то у четверь на засїданю здравотного выбору в Посланецькій сеймовни. Інформовав о тім справодайскый сервер Novinky.cz. ,,З платностёв од суботы (15.мая) дойде ку можливости вывжывати взаємно узнаваны очковачі цертіфікаты з Польщов, Мадярьском і Нїмецьком,“ увів Аренберґер. ,,Заты ся ку тому не припоїла Словакія, але і з тов ся рокує“, доповнив.

(TASR, Шутіова)