Обывателі многых сел в бардіёвскім реґіоні почуствовали в неділю і в понеділок слабе землетрасіня. „В неділю 15 юла о 23.19 годині дошло при польскій Криниці, приближні сім кілометрів од словацько-польской границі, к слабому землетрасіню. Землетрасіня было зазначене словацьков Народнов сітьов сейзміцькых станиць, як і локалнов сейзміцков сітьов выходна Словакія. За інформаціями зо записів зо сейзміцькых станиць было призначене маґнітудо землетрасіня 2,6. Є то уж достаточне маґнітудо на то, абы землетрасіня было почуствоване і обывателями окружаючіх сел. Было зазначене і на Словакії,“ повів про пресову аґентуру ТАСР Андрей Ціпціяр з Інштитуту наук о Землі Словацькой академії наук в Братіславі з тым, же землетрасіня в даній локаліті зазначіли і о 3.54 годині с локалным маґнітудом 2,2.
(TASR)