x

Мено нового брітаньского премєра оголосять 5-го септембра

00

Мено нового председы брітаньской Конзерватівной партії, котрый наслідно стане і премєром Великобрітанії, оголосять 5-го септембра. Детайлы часового гармоноґраму выберу нового лідера конзерватівців, котрый вычерять сучасного шефа Бориса Джонсона, оголосив у понедільок сір Ґрагам Браді, шеф парламентного комітету Конзерватівной партії. Кандідатуры є мож подавати до днесь, кажду мусить підпорити мінімално 20 конзерватівных депутатів. В середу і четверь одбуде ся перше і друге коло голосованя. На поступ до другого кола буде треба найменше 30 голосів. Як Браді повів новинарям, треба забезпечіти, же буде ку діспозіції достаток часу, жебы міг быти резултат выголошеный 5-го септембра. Додав, же мена двох найсилнішых кандідатів бы могли быти знамы в понедільок 18-го юла.

(Медвідь, TASR)