(TASR, Шутіова)

Веце як 300 продайных станків а много станків з освіжінём є приготовленых про навщівників Бардеёва. Од четверя до недїлї (24.7. – 27.8) ся там одбывать 670. історічный а 50. новодобый Бардеёвскый ярмок. ,, Навщівници ся в першім шорї можуть тїшыти на выборну забаву, на стрїчі з приємныма людми і на неповторюючу ярмочну атмосферу. Окрем того і на высше 300 придїленых місць станків зо спотребным товаром і потравинами, скоро 40 станків з їджінём а 72 рїзных забавных заряджінь і атракцій. В улічцї ремесел є 173 презентуючіх ся ремеселників,” увів про TASR говорця міста Штефан Гій. Навщівници ся подля ёго слов можуть тїшыти і на автосалон а выставу меблїв, але головно на богатый културный проґрам. Супроводныма подїями будуть окрем спомянутых і выстава зеленины і овоцины заградкарїв окресу Бардеёв ці дїтьскый ярмок. Проґрам є опублікованый на вебовій сторінцї міста.