Презідентка СР Зузана Чапутова позволила службу в україньскій армаді покы девятьом Словакам. Про пресаґентуру TASR то увів діректор одбору комунікації Канцеларії презідента СР Йозеф Матей. Як Матей конкретізував, же од 24-го фебруара 2022-го року до 2-го авґуста 2023-го рока презідентка СР выдала цілково 35 вердіктів, з того девять позитивных і 26 неґатівных про выкон воєньской службы в Озброєных силах Україны. Службу в чуджіх озброєных силах мусить подля закона о бранній повиности дозволити презідент СР. Жадость ся подавать на окреснім уряді, высловити ся до ньой мусить резорт обороны, внутра і заграничных справ. Україньскый презідент Володимир Зеленьскый коротко по зачатю войны на Україні вызвав “вшыткых, котры ся хочуть придати к обороні Україны, Европы і світа“, абы прийшли бойовати  по боку Україньців. (TASR, Pkf)