Веце професій іщі все чекать на ліпше оцініня і узнаня. Звернула на то увагу презідентка Словацькой републікы Зузана Чапутова з нагоды понедількового Свята роботы. Тото нам за їй словами припоминать право чоловіка робити в достойных условіях і за справедливу мзду. Подля презіденткы днесь очекуєме, же робочі докажуть за свою мзду нелем наповнити свої основны жывотны потребы, але і жыти достойный жывот. Но про многых то не є здалека реалностьов, підкреслила голова державы. Вказала на то, же оцініня учітелів, робітників у соціалных службах, здравотництві, выробі, обході, на урядах роботы і в многых далшых професіях не одповідать їх сполоченьскому вкладу.

(Медвідь, ТASR)