x

В Чеській републіці суть знамы мена меншыновой влады

00

Нова чеська меншынова влада премєра Андрея Бабіша, председы руху АNO, буде мати 14-ох міністрів. В новім владнім кабінеті буде 9 новых людей, дакотры шефове резортів собі свої функції утримають і в новій владі, іншы підуть на іншы позіції. В неділю вечур о тім інформовав портал iROZHLAS.cz. Міністерьскы функції будуть мати і 4 жены, што буде в припаді выменованя влады найвеце в історії Чеськой републікы. Чеськый презідент Мілош Земан хоче Бабіша выменовати за премєра тоту середу. О тыждень пізніше планує выменовати і його меншынову владу. По выменованю хоче Бабіш їднати із остатніма парламентныма партіями о підпорі або толеранції свого кабінету. Сеймовня мусить о довірі владі голосовати до 30-ох днів од їй выменованя.
(Петро Медвідь)