Членове Рaды влады СР за русиньску меншыну звернули ся писмом до предсидателькы Европской комісії 27-го октобра 2025-го року. Реаґовали тым на навщіву еврокомісарькы Марты Кос на Україні, котра похвалила повніня меншыновых прав, але русиньскы представителі не достали запрошіня на стрічу в Ужгороді. Тоту селекцію означіли за свідому іґнорацію і одступліня од прінціпів рівности Европской унії. Марта Кос у своїй одповіді на тото лист 3-го децембра підчеркла окрім іншого, же права меншын суть основныма цінностями ЕУ і частьов Копенгаґеньскых крітерій. Запевнила, же Комісія буде далше слідовати акчный план Україны і діалоґ включно представителів Русинів, і в припаді потребы зверне увагу на недостаточну реалізацію европскых штандардів. Джерело фотоґрафії: ЛЕМ.ФМ (ЛЕМ.ФМ, Пкф)