Міністер загранічных діл і европскых справ СР Юрай Бланар інформовав, же телефонічно пожадав україньскых представителів, жебы озброєны силы Україны стримали ся атак на роповод Дружба. Тоты атакы пошкоджують нелем Словакію, але і саму Україну, написав Бланар на соціалній сіті в понедільок вечур. Бланар за своїма словами в неділю телефоновав із своїм україньскым колеґом Андрійом Сибігом, а в понеділиок і з підпредседом україньской влады про европску а евроатлантічну інтеґрацію Україны Тарасом Качком. Обидвох інформовав о загнаню писма Европскій комісії што до охраны стратеґічной інфраштруктуры в повязаню з атаками на роповод Дружба, котры Україна выконала в послідніх днях, і котры вели до того, же ся заставило додаваня ропы і на Словакію. Атакы одсудили і далшы представителі СР включно презідента.

(Медвідь, TASR)