x

Выборы выграла Меркелова

00

За офіціалныма резултатами німецькых парламентных выборів, котры пороходили в неділю, ся по четвертый раз німецьков канцеларьков стане Анґела Меркелова. Їй коаліція CDU-CSU здобыла 33 процент голосів і стала ся вітязом выборів, хоць в порівнаню з попередніма выборами стратили хрістіаньскы демократы 11,5 процента голосів. Найгіршы резултаты в німецькій повойновій історії досягли соціалісты із SPD, котры были дотеперь в шырокій коаліції з Меркеловой хрістіаньскыма демократами, кідь здобыли лем 20,5 процента і скінчіли другы. Лідер Мартін Шулц уж повів, же соціалісты одходять до опозіції і не будуть продовжовати в коалічній владі. Третьов найміцнішов партійов ся стала екстремістічна Алтернатіва про Німецько, кідь здобыла майже 13 процент. До німецького парламенту, котрый тот період буде мати майже 700 депутатів, дістали ся іщі лібералы, котры ся вертають до Бундестаґу по 4-ох роках, Зелены і крайно лівіцьова партія Die Linke.
(Петро Медвідь)