Самосправны краї на выході Словакії аплікують новинку в транспорті – централный діспечінґ і інформачный сістем  IDS Východ. Перша етапа сістему, котрый уможнить заводити ґарантованы переступы і інформачны таблиці на заставках, зачне діяти в януарї 2024-го року і буде ся дотулять тых транспортерів, котры мають підписаный договор з Кошыцькым самосправным крайом (КСК) – eurobus і ARRIVA Michalovce. В другій етапі будуть в часі календарного рока 2024 до сістему залучены дальшы автобусовы транспортеры в рамках IDS Východ, што є повязане з поступовым закінчіньом процесу верейного обстараваня служеб примістьского автобусового транспосту в Пряшівськім самосправнім краю (ПСК). Централный діспечінґ уможнить наприклад поступове заводжіня тзв. ґарантованых переступів. То забезпечіть, абы спої, котры чекають на дальшы в сітуації мешканя на себе почекали. Проєкт быв фінанцованый зо средства Европской унії  через штруктуралны фонды (IROP) і сполуфінанцованый з розрахунків ПСК і КСК. Цілковый келчік проєкту є 169.000 евр, з боку самосправных країв є дофінанцованый у вышці 17.000 евр. (TASR, Pkf)