x

Єден словацькый і 13 польскых лижарьскых центрів надвязало сполупрацу

00

В часі тогорічной зимной сезоны будуть мати можность лижары на єден скіпас лижовати в єднім словацькім і в 13 польскых лижарьскых центрах. „Сьме пышны на догоду, котру сьме досягли. Цілый процес і їднаня были вызвов. Завдякы ТАТРА СУПЕР СКІ вступуєме до шырокой сполупраці, розвоя, пропаґації і впливу на цілій реґіон,“ повів єден з коордінаторів проєкту Роман Крупа. Донедавна фунґовали тоты лижарьскы центра в татранскім реґіоні самостатні і лижары собі мусіли куповати скіпас до каждого лижарьского центра екстра. То ся в тім року змінило і навщівник собі го може купити в хоць-якім центрі записаного в списку ТАТРА СУПЕР СКІ і лижовати ся з ним в цілім реґіоні подля налады, актуалных сніговых условій ці чісла людей в єднотливых лижарьскых центрах.
(TASR)