Америцькый презідент Доналд Трамп вчера в Білім домі выголосив, же Споєны штаты америцькы признавають Єрузалем як головне місто Ізраіля. Опубліковала то справодайска телевізія Скі Нюс. Трамп сучасно выдав дірекцію резорту діпломації, абы зачав с приправами процесу перестягуваня америцького посольства з Тел Авіву до Єрузаліма. “Тот процес ся зачне гнедь,“ повів Трамп. Рішеня в подобі ексістенції двох держав, котре бы закінчило конфлікт на Близкім выході, підпорить, як сі то обідві стороны будуть желати. Поставліня Єрузаліма – міста посвятного про мослимів, християнів і жыдів – є єдным з головных проблемів ізраелско- палестинского конфлікту. Ізраел го поважує за своє головне місто, але меджінародне сполоченство є того назору, же штатут міста ся мусить признати на міровых дебатах. Палестинчане жадають, абы быв їх головным містом выходный Ізраіль, обсадженый Ізраілом в 1967 року.
(ТASR)

Фото: TASR