В заряджінях соціалных служеб Пряшівского самосправного краю тот  тыждень зачали з вакцінаціов проти новому коронавірусу і в просторах соціалных служеб. Першы защіпены суть зо заряджіня в Батізовцях і Брезовічкы. Пресаґентуру TASR о тім інформовала говоркыня ПСК Даша Єленьова. Через выяздову службу Любовняньского шпыталя ся вакцінація реалізує в Домові про сеніорів в Старій Любовні, де за два дні защіплять 65 кліентів. Інтерес о вакцінацію і на термін чекать дальшых 16 заряджінь. Поступно ся реалізує і вакцінація робітників заряджінь соціалных служеб. Із 1422 робітників было ку 1-ому фебруару защіплено 628 людей, то є скоро 44 процентів. (TASR, Pkf)