На забезпечіня акцій, умелецькых реалізацій і інвестічных подїй повязаных зо 75. юбілеём закінчіня 2. світовой войны бы мав штат выдїлити зо штатного розрахунку 2.611.000 евр. Пропонує то Міністерство културы СР в матерiалі, котрый є в меджірезортнім припомінковім конаню. Найвысшу суму (500.000 евр) пропонує резорт выдїлити на комплексну обнову воєньского цінтеря з памятником Háj Nicovô (Гай Ніцово) в Липтовскім Мікулаші. Зреконштруованы мають быти і далшы памятны міста як наприклад обнова ареалу памятника Jankov vŕšok (Янків верьшок) коло села Угровец. Средства были выдїлены і на обнову ареалу памятника на верьху Яворина в катастрі села Странявы, оправу выглядковой вежы і сходів памятника на Дуклі і обнову ареалу а пєтных міст Памятника жертв фашізму в баньскобыстріцькій Кремнічкі. Резорт пропонує таксамо оцїнити а єдноразовым фінанчным вкладом підпорити послїднїх жыючіх участників Словацького народного повстаня а підвышити ся мать таксамо алокація на войновы гробы.

                                                                                                          (Шутіова, TASR)