Місто Михаловцї мать інтерес вытворити новый промыселный парк. В шорї третїй парк на теріторії міста бы мав быти приготовленый про інвесторів, котры бы могли в містї бывати в повязаню з обновов Україны. По выяздовім рокованю влады в Михаловцях то про TASR повів пріматор Мірослав Дуфінець з тым, же не піде о великый парк. ,,Очекуєме, же посередницьтвом штату будеме мочі выбудовати новый промыселный парк. Маме в подстатї два повны, але не суть то великы паркы а маме од штату приобіцяны просторы на то, жебы сьме могли зачати реалізовати далшый,” повів Дуфінець. Михаловцї можуть быти подля нёго в будучности атрактівнїшым містом.

(TASR, Шутіова)