x

Міністры внутрїшнїх дїл членьскых країн ЕУ схвалили приятя Хорватії до Шенґену

00

Міністры внутрїшнїх дїл членьскых країн Европской унії у четверь на засїданю в Бруселї вырїшыли о приятю Хорватії до шенґеньского простору од 1. януара 2023. Інформує о тім TASR на основі ознамлїня чеського председництва в Радї ЕУ на соціалній сїтї Твітер. Рїшіня было прияте в рамках засїданя Рады ЕУ про внутрїшны залежности і справедливость в Бруселї. Інформацію уж потвердили і представітелї хорватьского сталого заступлїня при ЕУ. Хорватія ся так стане 27. членом шенґеньского проступру, зоны без контроль на внутрїшнїх граніцях, в рамках котрой може вольно путовати веце як 400 міліонів Европанів.

(TASR, Шутіова)