Опозічный рух Slovensko крітікує Hlas-SD за то, же пізно інформовав о приятій пожычці іщі з року 2024. Представителі руху твердять, же Hlas-SD прияв пожычку од фірмы презідентовой сестры Евы Пеллеґріні в сумі 300 тісяч евр. Наслідно ішла тота сума такой як подарунок на презідентьску кампань сучасной головы державы Петра Пеллеґріні. Рух Slovensko крітікує партію, же о тім не інформовала на своїм вебсайті, хоць то мала зробити перед веце як роком. Авізує і поданя на Державну волебну комісію. Партія Hlas-SD реаґовала, же інформацію о пожычці на вебсайт доповнила „безодкладно по тім, як інтернов контрольов зістили, же тота повинность не была сповнена“.

(Медвідь, TASR)