Здружіня міст і сел Словакії (ZMOS) высловило глубоке знепокоїня над фізічным атаком на старосту села Корытаркы, Душана Міттера, ку котрому дошло в неділю в його гаражі. Председа ZMOS-у, Йозеф Божік, підкреслив, же є неприятелне, жебы ся волены заступници ставали терчом насильства, главні кідь атак є  повязаный з выконованьом публічной функції, што бы важно нарушыло прінціпы містьтной демокрації. Поліція у Зволені потвердила, же прияла карне ознамліня і зачала карне досліджованя за нарушіня домовой слободы і уближіня на здравї 53-річного чоловіка. Высліджованя є в початковій етапі і поліція покы не давать близшы інформації. Міттер є окрім іншого окресным председом партії Hlas-SD в Детвi. (TASR, Pkf)