Волебна кампанія на Словакії ся скінчіла, од півночі плине мораторіюм. В часі нього є  подля закона о волебній кампанії заказана актівіта в хосен ці нехосен кандідуючіх партій, рухів і коаліцій. Мораторіюм тырвать аж до скінчіня голосуваня в день волеб. Предчасны парламентны вольбы будуть в суботу 30-го септембра од 7.00 до 22.00 год. В часі мораторія неможуть кандідуючі політичны субєкты вести волебну кампанію. Заказане є публіковати выслідкы досліджень верейного мнінія і выслідкы волебных анкет. (TASR, Pkf)