Потребный вік на вступ до Поліцайного збору ся понижать на 18 років. Выходить то з новелы закона о штатній службі членів Поліцайного збору, Словацькой інформачной службы, Збору везеньской і юстічной стражі і Желїзнічной поліції. Нову леґіслатіву підписала презідентка Зузана Чапутова. В повязаню зо змінов віку при приїманю до поліції з 21 на 18 років ся зо закона выпустить штатна служба кадета. Зміна мать приспіти ку векшому інтересу обчанів о службу в поліції а припадно і в далшых зложках, котры належать до пособности того закона. Інтересуючі ся будуть мочі приголосити безпосередно по тім, як будуть мати закончену середнёшкольску освіту.

(TASR, Шутіова)