В селі Чукалівці, в окресі Снина дошло к пошкоджіню гідроґеолоґічного вертача. Пошкодженый мать щіт вертача і вывернуте бетонове хранитко. Як про пресаґентуру TASR увела ведуча одділіня комунікації Пряшівского самосправного края (ПСК) Даша Єленьова, на пошкоджіня пришли робітници Уряду ПСК при традичній контролі. Як дале конкретізувала, днесь поліція досліджує, ці ішло о крок зробленый нароком або ці іде о природне пошкоджіня. ПСК довгочасово реалізує гідролоґічны дослідницькы роботы в многых селах  в окресі Снина, котры дотеперь немають забезпечену основну інфраштруктуру. Джерела воды на питя з верчіня были  потверджены в 19 селах, меджі ними і в селі Чукалівці. ПСК проінвестовав веце як міліон евр на гідролоґічне верчіня і проєктову документацію. Цілковый проєкт забезпечіня водоводу і каналізації про окрес Снина ся реалізує в рамках ініціятівы Catching-up Regions і мав бы быти докінченый до року 2029. (TASR, Pkf)