О можностях залучіня ся до повойновой обновы Україны ці енерґетікы говорили вчера председа влады СР Людовіт Одор з чеськым премєром Петром Фіалом. В часі стрічі в Братіславі, котре мало подля Одора продуктівну атмосферу, обідвоє згодли ся, же є потрібне підпорёвати Україну вшыткыма средствами, котры суть к діспозиції і продовжують в одмітаню російской аґресії. Премєры выздвигнули  добры взаємны односины меджі Словакійов і Чехійов. В часі стрічі  бісідували і о проблемох і вызвах, котры в централній Европі противостоять, і у звязку зо сітуаційов на Україні. Меджі темами, котры вчасі стрічі рішыли была і область енерґетікы, де мають подля Фіалы обідві країны сполочный інтерес розвивати ядрову енерґетіку. Одор і Фіала ся вчера в Братіславі стрітли і з французькым презідентом Еммануелом Мацроном. (TASR, Pkf)