Заказ довозу російскых ропных продуктів, як суть нафта ці бензин, до країн Европской унії (EÚ) од неділі став діючім. Опатріня мать за ціль іщі веце обмеджити приймы Росії з продая енерґій, і тым його способность фінанцовати войну проти Україні, інформує пресаґентура TASR на основі справы аґентуры DPA. З найновшых дани Штатістічного уряду EÚ, Росія лем в минулім року експортовала до країн Унії ропны продукты в сумі веце як 2,3 міліярды евр, з того скоро 558 міліонів евр представував експорт до Німецька. Окрім ропного ембарґа ся EÚ і країны  G7, Японія, Канада, Британія і США договорили на ціновых стропох на російску ропу і ропны продукты. (TASR, Pkf)