Сітуація на Словакії є вынятково важна нелем з причіны пандемії і треба, жебы влада послала сіґнал, же собі то усвідомлює. Презідентка Словацькой републікы Зузана Чапутова то повіла в понедільок. Себерефлексію і міру крітікы бы мала быти подля ньой способна зробити влада і односно себе. „Кедьже собі веце коалічных партій потребу себерефлексії усвідомлює, мам надію, же ку ній і дійде,“ підкреслила презідентка. Припадны зміны суть лем на рішіню влады, додала, кедьже в тім компетенції презідента не суть. В коаліції минувшый тыждень выострили ся напругы. Реконштрукцію влады споминають SaS i Za ľudí, припустила то і партія Sme rodina. Коаліція має далше їднати о своїм фунґованю. В середу має о сітуації їднати презідія партії Sme rodina.

(Медвідь, TASR)