Ізраільскый парламент в понедільок схвалив ключову часть спорной юстічной реформы, котра обмеджує права Найвысшого суду. Голосованя одбыло ся по бурливій діскусії, почас котрой опозіція скандовала: „Ганьба!“ Наконець опозічны депутаты одышли зо салы. В 120-членнім Кнесеті зістало лем 64 депутатів і вшыткы голосовали за ключовый закон реформы. Найвысшый суд подля схваленого закона уж не буде годен заблоковати владны наряджіня, котры оцінить як „невгодны“. Проти планованой реформы просаджованой правіцьовов владов премєра Бенъяміна Нетанъягу дакілько місяців робили ся протесты а крітіковали єй окрім опозіції і представителі подникателів, армадны офіціры ці експерты на право, пише аґентура Associated Press.

(Медвідь, TASR)