Председа влады Едуар Геґер підпорить із свойой резервы актівности заміряны на розвиток комунітного жывота по пандемії, головно общественны і шпортовы актівности. Выголосив далшу вызву і на тот ціль выділив 300 тісяч евр, причім максімална сума жаданой і схваленой дотації має быти 10 тісяч евр. Інформовало о тім пресове і інформачне одділіня Уряду влады Словацькой републікы. Одділіня далше інформовало, же вызва є уж публікована, приголосити ся можуть самосправы, мімовладны і безпрофітовы орґанізації, фундації, церькви, але і выховно-освітні інштітуції. Жадости мож передкладати до 23-го мая. Веце інформацій мож найти на вебсайті влады.

(Медвідь, TASR)