Владимір Путін в понедільок офіціално став по четветый раз російскым презідентом. В Адріївскім салі московского Кремля на полідне московского часу зложыв презідентьску присягу. Теперішній мандат, котрый здобыв по марцовых презідентьскых вольбах, му скінчіть у 2024-ім році. Премєром быв мав быти знова Дмитрій Медведєв, котрый абдіковав за правилами російской конштітуції зо свойой функції в неділю. До функції го пропонує Путін і в парламенті має партія Єдина Росія, котра Путіна і Медведєва пітримує, векшость. Як повів староновый презідент в інавґурачнім прояві, бере за свій обовязок і за смысел свого жытя робити вшытко про Росію, хоче укріпити власти, просперіту і славу Росії. Путін быв на посаді презідента два функчны періоды в роках 2000 аж 2008. Третій мандат му конштітуція не дозволяла, зато собі потім вычеряв функцію як раз з Медведєвом. Од 2012-го року є знова презідентом Путін, но уж по зміні конштітуції, котра му забезпечує 6-річны мандаты.
(TASR)

Фото: TASR/AP