x

Польща пошле Українї танкы Леопард як іншпірацію про далшы країны

00

Рїшіня Польщі послати Українї танкы Леопард 2 нїмецькой выробы было прияте і зо заміром выкликати імпулз ку подобному рїшіню далшы країны. У четверь то увів говорця польской влады Піотр Мулер. TASR справу перевзяла з аґентуры DPA. ,,Кедь не охраниме незалежность Україны, будеме далшым цїлём,“ увів говорця. Додав, же ,,тот способ політічного тиску бы мав підпорити і остатны европскы країны, жебы ся ку тій ініціатівы припоїли.“ Мулер не спомянув точно Нїмецько, но в проходячіх тыжднях ся підвышує тиск на містну владу, жебы Кієву тыж послала модерны танкы. Польскый презідент Анджей Дуда ознамив охоту додати Українї танкы Леопард в середу по стрїчі з україньскым презідентом в западоукраїньскім містї Львов.

(TASR, Шутіова)