Росія є пересвідчена, же актуалным проблем знечістеной ропы, котра контаміновала ключовый роповод Дружба і засягла рафінерії аж по Німецько, бы ся мав днешнім дньом порішыти. Повів то штатный секретарь російского міністерства енерґетікы Павло Сорокін в часі їднаня з одберателями. Інформувала о тім аґентура Ройтерс. Сорокін, котрый їднав о проблемі знечістеной ропы в Мінску зо заступцями енерґетічных компаній Білорусії, Поландії і Україны, пунктуалный термін неповів, Москва але перед тым опубліковала, же чіста ропа бы на границю з Білоросійов мала зачати течі праві днесь.  Білоросія попередила, же якраз она мать великый обєм контамінованой ропы на своїй території і заставліня ехпорту запричинює єй великы страты. Як далей увела, шкоды Білоросії досягують коло 90 міліонів евр. (TASR, Pkf)