Польскый премєр Доналд Туск в понедільок остро крітіковав міністрів загранічных діл Мадярьска і Словакії за стрічу із шефом російской діпломації Серґейом Лавровом почас діпломатічного форуму. Подля Туска стріча з Лавровом минувшу пятніцю, коли в Москві быв похованый опозічный лідер Алексей Навальный, „не была лем ділом доброго або планого вкусу“. „Колеґове в Братіславі і Будапешті знова доказують, же на дакотры справы маєме барз розділны погляды,“ підкреслив польскый премєр з тым, же бізовно ся то дотулять позіції односно Росії і їй воєньской аґресії проти Україны.

(Медвідь, TASR)