Німецька міністерка загранічных діл Анналена Баербокова в понедільок варовала перед одкладом вступу країн западного Балкану до Европской унії. Подля ньой бы то представльовало різіко, же країны будуть під російсков „інфілтраційов“. Як повіла Баербокова, „з оглядом на бруталный російскый імперіалізм приятя шестьох країн в реґіоні під нашы крыла на їх пути до Европской унії стало ґеополітчнов потребов“. Европа бы не мала допустити жадны сивы зоны, котры може Росія схосновати на дестабілізацію, дезінформації і інфілтрацію, выголосила німецька міністерка перед навщівов западного Балкану.

(Медвідь, TASR)