В сітуації взникнутя політичной партії днешнього подпредседу парламенту Петра Пеллеґрініго бы тота партія здобыла підпору 19,3 процентів голосів. Заняла бы так друге місце за рухом OĽaNO, котре бы скінчіло з підпоров 20,3 процентів голосів. Третій бы скінчів рух Сме родіна із прибытком  9,6 процентів. Выходить то з дослідженя, котре реалізувала аґентура Focus про TV Markízу на взоркі 1009 респондентів од 17-го до 24-го юна. Выслідкы дослідженя телевізія презентувала в недільній релації На тіло. (TASR, Pkf)