Членка презідії білоруськой опозічной Коордіначной рады Марія Калесникова і їй правник Ілья Салей зіставають у вязніці. На непублічнім засіданю в Мінску о тім в понедільок вырішыв односный суд, інформовав портал TUT.by. Зо жадостьов о їх пропущіня на слободу звернули ся до суду їх адвокаты. У вязніці зіставать на основі выроку іншого суду і далшый затриманый член веджіня рады, правник Максим Знак. Портал додав, же затриманы на засіданю не брали участь, слідовали то посередництвом відеоконференції. Калесникова – вызначна особность противладных простестів у Білоросії, є затримана у вязніці як особа обвинена з апелів на узурпацію властей. Грозить їй од двох до пятьох років арешту.

(Медвідь, TASR)