x

Меркелова выразила підпору білоруській опозіції

00

Німецька канцеларька Анґела Меркелова в понедільок выразила демократічній опозіції в Білоросії далшу підпору. Інформовала о тім аґентура DPA. Меркелова телефоновала з лідерков білоруськой опозіції Святланов Цихановсков, котра у Відню брала участь на меджінародній конференції о Білоросії, котру орґанізовав австрійскый канцеларь Александер Шаленберґ. Аґентура припомянула, же телефонат ся одограв по тім, што была Меркелова крітікована за то, же телефонічно комуніковала з білоруськым презідентом Александром Лукашенком о сітуації на вонкашній граніці Унії меджі Польщов і Білоросійов. Лукашенко і Меркелова телефоновали вже двараз і доїднали ся, же далше зістануть в контакті.

(Медвідь, TASR)