Інтересом Мадярьска є мір в сусідьстві, мір на западнім Балкані. Написав то шеф мадярьской діпломації Петер Сійярто на сіті Facebook в понедільок в реакції на насилны стрічі на севері Косова, при котрых было зраненых 25 вояків, якы суть в мірній місії KFOR. Вояци были зранены сербскыма демонштрантами, котры жадали одкликаня недавно зволеных старостів спомеджі етнічных Албанців. Сербы дістали ся до стріч з містнов поліцйов у селі Звечан уж рано. Пополідне вызвали вояци KFOR Сербів, жебы увольнили драгу двом возам косовскых шпеціалных сил. Вояци хотіли розогнати демонштруючіх, на што Сербы одповідали метаньом каменів і іншых твердых предметів.

(Медвідь, TASR)