Покля бы парламентны вольбы проходили в януарі, выграла бы їх партія Smer-SD, котра бы здобыла 17,1 процента голосів. За ньов бы скінчіли Котлебовці з 11-ма процентами і коаліція PS-Spolu з 10,2 процентами. Выходить то зо сондажи аґентуры AKO, котра была реалізована од 15-го до 17-го януара. В сондажи преференцій наслідують партії Za ľudí з 10-ма процентами, OĽaNO бы здобыло 8,4 процента, SaS 6,7 процента, SNS 5,9 процента і KDH 5,5 процента. Далшы партії бы ся до парламенту не дістали. В перерахованю на кресла в Народній раді Словацькой републікы бы партія Smer-SD мала 31 мандатів, ĽSNS 20, за PS-Spolu бы до парламенту ішло 19 депутатів,  партія Za ľudí бы мала 18 кресел, OĽaNO 15, Sme rodina 14, SaS 12. SNS бы в новім парламенті мала 11 депутатів і KDH 10.

(Медвідь, TASR)