Міністер справедливости Ґабор Ґал ся в понедільок стрітив з председом Шпеціалізованого карного суду Михалом Трубаном, од котрого жадав поясніня медіалізованых інформацій в повязаню з його діяньом. Аґентуру TASR о тім інформовала говоркыня міністерства Зузана Дробова. За їй словами дакотры інформації Трубан дементовав, зато міністер пожадав, жебы свої тверджіня підложыв доказами писемно. Трубан мав быти подля Петра Тота, котрый выповідав на суді в справі забитя Яна Куціака, єдным з тых, котрых хотів Маріян Кочнер овпливнити, жебы ся дістав на свободу. SaS жадала міністра Ґала одкликати Трубана з функції, но тот повів, же буде о тім рішыти по особній стрічі.

(Медвідь, TASR)