Італійскый міністер внустрішніх справ і шеф Ліґы Северу Маттео Салвіні в понедільок оголосив, же по майовых вольбах до Европского парламенту хоче вытворити нову політічну ґрупу, в котрій будуть крайно правіцьовы партії членьскых держав Европской унії включно Алтернатівы про Німецько. Інформовала о тім аґентура DPA. Тото потвердив і шеф німецькой AfD Йорґ Мойтен, котрый брав участь на понедільковій конференції під назвов Напрямом ку Европі здорового розуму в Мілані. Нова фракція має мати назву Европска аліанція людей і народів. Славіні хоче, жебы то была перша і найміцніша за кількостьов ґрупа в европарламенті по майовых евровольбах. На конференції брав участь і шеф політічной партії Фіны Оллі Котро, як і председа Даньской людовой партії Андерс Вістісен. Оправдала ся Марін Ле Пенова із французького Народного згромаджіня, котра із Салвінім о фракції їднала уж в пятніцю.

(Медвідь, TASR)