Вірусова налож нового коронавірусу в одпадовых водах в десятім календарнім тыждні середньо ся звышує в Трнавскім, Жілінскім, Банскобыстріцькім, Кошыцькім і Пряшівськім краю. Выходить то з выслідків моніторінґу одпадовых вод, котры на інтернетовім сайті опубліковав Уряд верейного здравотницьтва   СР (ÚVZ SR). В часі споминаного періоду было досліджено 58 взорок з котрых вшыткы были позітивны. Притомность нового коронавірусу в одпадовых водах ся на тыжденній базі моніторує од мая 2021-го року. (TASR, Pkf)