Словацькы вояци, котры суть на выцвіковій місії Североатлантічной аліанції в Іраку, были дочасно релокованы до іншой державы. Аґентуру TASR о тім інформовали з пресового одділіня Уряду влады Словацькой републікы. „Председа влады Петер Пеллеґріні повідомлює, же в одношіню ку актуалній сітуації в Іраку, котра вела ку позаставліню выцвіковой місії НАТО, одбыла ся дочасна релокація семох словацькых вояків мімо теріторії Іраку в згоді з безпечностныма правилами. Далшы крокы будуть реалізованы по конзултації зо союзниками,“ повіла Патріція Мацікова, говоркыня словацького премєра. Пеллеґріні авізовав можливу релокацію вояків уже в понедільок, кедь тлумачів позіцію амбасадорів членьскых держав НАТО. Втогды авізовав, же вшыткы участны выцвіковой місії суть в безпечу.

(Медвідь, TASR)