В Базіліцї св. Якуба в Левочі представили у четверь дві Біблії з фотоґрафіями олтаря Майстра Павла з Левочі. Біблії увели діецезный адміністратор спішской діецезы Ян Кубош і далшы двоє духовны – Петер Майхер і Венделін Плева. Як увела манажерка проєкту Луксусна бібліотека выдавательство Ікар Марія Лешкова, дїло Майстра Павла ся першыраз достало до первістного выданя Біблії. Тота выходить в двох проведжінях, котры ся од себе одрізняють книгарьскым спрацованём, кількостёв выданых кусів і цїнов. Дорогша мать обалку у формі дочок з ясенёвого дерева, друга є з умелой скоры. Обидва выданя мають 792 сторінок біблічных текстів а 60 сторінок фаребных фотоґрафій.

(TASR, Шутіова)