Надація Понтіс розшырює сїть ЕДУпоінтів – міст іншпірацій о іноватівнім навчаню. Од януара ся будуть находити і в Тырнаві, Снинї і Пряшови, цїлково їх буде на Словеньску девять. В актуалній сітуації нукають свій проґрам головно онлайн а помагають учітелям наприклад і злїпшовати діштанчне навчаня. TASR о тім інформовала ПР манажерка надації Зузана Схалекова. Заміром ЕДУпоінтів є вытворити актівным учітелям, директорам школ і далшым, котры мають інтерес приступ ку іншпіратівным преднашкам о навчаню, прикладом доброй праксі зо школ а вытваряти їм простор про формованя поднетів на злїпшіня у навчаню. Проґрам ЕДУпоінтів є о практічных воркшопох, діскусіях ці школїнях на актуалны темы. Учасници ся тыж взаємно спознавають а дїлять ся о скушености і рїшїня.

(TASR, Шутіова)