x

Асістентів бы в школах могли мати автоматічно

00

Школы бы по новому могли діставати педаґоґічных асістентів автоматічно. Придільовати бы ся мали на класу в залежности од чісла школярів із здравотным зневыгодніньом. Выходить то із пропозіції новелы школьского закона, котру до меджірезортного припомінкового процесу передкладать Міністерство школства, наукы, баданя і шпорту. Зміны бы могли платити од року 2026. Довтогды бы ся звекшіня чісла асістентів могло фінанцовати з помочов Европской унії. Пропозіцію представив у понедільок міністер школства Браніслав Ґрылінґ.

(Медвідь, TASR)