x

Геґер бы рішыв крізу одходом Сулика і Матовіча з коалічной рады

00

Премєр Едуард Геґер далше твердить, же рішіньом крізы меджі владныма представителями бы быв одход шефа SaS Ріхарда Сулика і лідера OĽaNO Іґора Матовіча з коалічных рад. Повторив, же Словакія потребує стабілну владу, котру творить коаліція штритьох партій. За словами Геґера одход з резорту і з коаліції не є жертвов, є то в тім припаді комфортностьов. Премєр думать, же жертвов є зістати в коаліції і одыйти з коалічной рады, бо там роблять ся тоты найвекшы рішіня, і покля там є конфлікт, тото бы подля нього была путь. Геґер о тім в понедільок інформовав новинарів.

(Медвідь, TASR)